"Ano 'yan? Suhol?" Nakahalukiplip at salubong ang mga kilay na sabi ni Charlyn. Mataman niyang tinitingnan ang mga gamit na maayos na nakalapag sa kanyang kama. Pink jumper dress with white inner shirt, white rubber shoes, pink signatured sling bag, make up kita na kumpleto ang kulay, lipstick, at imported perfumes. Samahan pa ng relong puti at accesories, pati na ng gummy bears na iba-iba ang kulay.
"All for you, of course!" Mula sa kanyang likuran ay bigla siyang niyakap ni Mia. " At oo, suhol ko nga 'yan sa pagsusuplada sa aking best friend. Tatanggapin mo, 'di ba?"
Inirapan niya ng kaunti ang kaibigan bago dinampot ang jumper dress. Inilayo niya iyon at pinagmasdan. Pinipigilan niya ang mapangiti, ngunit sumulay rin ang guhit sa kanyang mga labi. Parang kay tagal na ring nakapag-ayo
