NAKATINGIN lang ako sa kawalan habang nakaupo sa sariling silya at naghihintay lang sa pagdating ng susunod naming subject. Balewala ang mga kaklase kong lalaki na panay ang bato ng mga binuong papel sa aking likuran.
Alam ko namang mapapagod din sila sa kanilang ginagawa.
Inaalala ko kasi ang naging sagutan namin ni Celine kagabi.
NAKARAAN...
PAGKAPASOK ko palang ng bahay ay agad na akong sinalubong ng sampal ni Celine. Galit na galit siya sa akin at si Tita Selina naman ay salubong ang kilay na nagtataka sa kung bakit ganoon ang suot ko.
Matagal bago ko naipihit ang aking ulo sa harap nila. Sobrang bigat ng pagkakasampal niya kaya ganun nalang ang tindi ng pagkahilo ko.
Nang maka-recover ay napabuntong hininga akong humarap kay Celine.
"Ang kapal kapal ng mukha mong pumunta ro
