Andie Gregorio
Ilang araw na ba ang lumipas? Wala akong alam. Nawala na nga sa isip ko kung ilang beses lumubog at sumikat ang araw. Hindi ko na gustong mag-isip pa dahil para akong mababaliw anumang oras. Kung dati ay akala ko si Sierra ang nababaliw, ngayon naman ay ako na. Kung saan-saan ko nalang siya nakikita sa lugar na ito, bigla-bigla nalang siyang susulpot at nakikita ko sa mga mata niya na pinagtatawanan ako nito. Bakit? Dahil sigurado siya na hindi mangyayari sa kaniya ang mga paghihirap ko? Dahil natutuwa siya na naghihirap ako ng ganito? Pero kahit anong mga insulto ang ginagawa ng babaeng nakikita ko, alam ko pa rin naman na ilusyon lang ang lahat ng ito, na prukto ng ito ng sama ng loob ko sa kaniya. Dahil sa totoo lang, hindi naman ginusto ni Sierra na dito ako manatili, p
