Andie Gregorio
Hindi ako gumalaw sa kitatayuan ko, hinayaan ko siya na makalapit gamit ang sarili niyang lakas at habang nasa ganoong kalagayan, pinagmasdan ko ang lalaki. Nakasalamin ito sa mata, magulo ang mahabang buhok, nagdurugo ang kanan niyang braso na nangingitim na rin. Hindi ko alam kung ilang oras na siyang nasa ganoong sitwasyon, halata sa mukha niya na wala pa siyang tulog at namumutla na rin. Ang sabi ko, hindi ako gumalaw sa kitatayuan ko, iyon naman talaga ang ginawa ko pero mga ilang segundo lang dahil mula rito sa posisyon ko, nakita ko ang lalaki na biglang natumba at nagpagulong-gulong sa disyerto. Kaagad naman akong napatakbo papunta sa kaniya para mapigilan ang paggulong niya, hinila ko ang isang kamay nito na walang sugat pero kaagad siyang napasigaw, tumingin ako s
