Pagkapasok ko sa loob ng aking silid ay sumunod naman ang tatlo sa akin. May iniutos lang na ibang bagay sa kanila si Ilah pagkatapos ay umalis na rin sina Nari at Sara. Saktong paglabas ng dalawa ay humarap na siya agad sa akin. Naniningkit ang kaniyang mga mata.
“Ano ‘yon?” taas-kilay niyang tanong.
“Ang alin?” pagbabalik-tanong ko naman sa kaniya.
Humugot siya ng malalim na hininga saka sinamaan ako nang tingin. Mahina naman akong tumawa saka umayos sa pagkakaupo. Hindi na siya nagsalita pa. Kinuha na niya ang palayok na may lamang nilaga na dahon ng bayabas na gagamitin niya panlinis ng aking sugat. Kumuha siya ng malinis na tela saka binasa iyon ng tubig na galing sa palayok.
“Huwag kang mag-alala, Ilah. Alam na ni Lolo ang tungkol sa amin. Sorry rin kung tinakbuhan kita kanina.
