"Good morning love birds! Lunch is ready. Halika na kayo dito at kumain na kayo," nakangiting bati sa amin ni manang Linda.
Binaba na ako ni Max at inalalayan na lamang sa paglalakad tutal kaya ko naman at para masanay na rin ang paa ko. Naabutan namin sa loob ng kusina si manong Lando. Nakangiti itong nakatingin sa aming dalawa ni Max.
"Magandang umaga po sa inyo," nakangiti kong bati sa kanila.
"Kuya Lando, pakihanda mamaya ang motor boat. Pupunta kami ni Kat-kat sa kabilang isla baka doon na lang din kami magpalipas ng gabi," utos ni Max.
"Masusunod Young Master."
"Tama na muna ang kuwentuhan. Kumain na muna kayo." Inilapag na ni Manang Linda ang kaniyang nilutong sinigang na tahong.
"Kumakain ka ng ganiyan Max?" Mapanuring tanong ko sa kaniya.
"Oo naman, anong akala mo sa akin
