Chapter 24
Ralix POV
Hindi ako makatulog ngayong gabi, pabaling-baling ako sa kawayang higaan ko. Hindi ko alam kung anong posisyon ang gagawin ko para lang mahanap ang antok na nawawala. Lumalangitngit ang kawayang sofa ko sa bawat paggalaw ko. Balisang-balisa ako, ‘di mapakali ang puwet ko sa samo’t saring nararamdaman.
Kaninang umaga namataan ko ang isang lalaki na nagmamatiyag sa ‘di kalayuan sa aming store. Nakaitim ito ng damit pang itaas. Maging ang suot niyang pantalon ay itim na rin. Naka-cap din ito ng itim, may logo doon na kulay puti. Noong una ‘di ko pinansin. Nakatayo siya sa harapan ng kanyang sasakyan. Lumilinga-linga na parang may hinahanap sa paligid niya. Hindi ko sana papansinin ng bigla itong tinawag ng isang mama. Tinanong kung may hinahanap ba siya dahil mukha ito
