MADALAS si Yvonne sa Villa Cattleya. Madalas siyang dinadala ni Damian doon upang makapamasyal naman daw siya. Alam nito na kababalik lang niya sa bansa kaya sabik pa siya sa paglilibot at pamamasyal. Sadyang mabait ang binata. Napakasuwerte ng kaibigan niyang si Cameron dahil nakahanap ito ng isang napakabuting lalaki. Sana lang ay mapagtanto nito agad iyon bago pa ito matulad sa kanya na nabuhay na puno ng pagsisisi.
Aliw na aliw siya sa pamamalagi sa villa. Madalas siyang pumapasyal sa paligid ng villa. Namamangha pa rin siya sa ganda ng mga tanawin. Gustong-gusto na nga niyang manirahan doon.
Naging malapit na siya kay Lola Ancia. Marami na silang napagkuwentuhan dahil hindi siya kinakausap ni Travis kapag naroon siya. Madalas daw itong nagkukulong sa silid nito nitong mga nakaraang
