Ilang oras ang makalipas at pumasok ang taxi sa isang subdivision, sinundan pa rin namin sa loob kahit na medyo alanganin na. Kailangan namin makasiguro na doon nga siya umuuwi at baka kung ibang bahay pa ang puntahan niya.
"Del Carmen Subdivision," pagbasa ni Franzen sa nakasulat sa pader sa entrance mismo ng subdivision.
Ilang bahay pa ang nilagpasan namin bago huminto ang taxi na sinasakyan ni Erika, huminto naman kami sa hindi kalayuan para hindi kami mapansin na nakasunod kami sa kanila.
Maya-maya pa ay lumabas na sa taxi si Erika, bit-bit ang tsokolate at bulaklak na ibinigay ni Bhryce sa kaniya. Sakto din ang pagbukas ng gate at doon sinundo siya ng kanilang katulong. Tumingin ako sa kaliwa't kanan wala din naman ang kotse ni Papa, pero hindi pa tayo nakakasigurado.
"Atleast
