"Attorney, hindi na po ba magbabago ang isip niyo? Talaga po bang makikipaghiwalay na kayo kay Sir Jacob?" nalulungkot na tanong ni Star kay Abby. Kitang-kita niya kasi lungkot at bigat sa mga mata ni Abby habang nakaupo ito sa swivel chair. "Hindi pa rin po ako makapaniwala na nagawa kayong saktan at lokohin ng asawa n'yo. Dahil saksi po ako sa pagmamahal at pagiging sweet ni Sir Jacob sa inyo kapag sinusundo niya po kayo rito."
Napabuntonghininga si Abby kasabay ang konting pag-tulo ng luha mula sa kanyang mga mata. Pagkatapos ay tinapunan ng tingin ang sekretarya.
"Wala nang mas sasakit pa sa ginawa niya sa 'kin, Star. Wala nang natira sa 'kin. Lahat nagkapira-piraso na! At hindi ko alam kung mabubuo pa ba ito," turan naman ni Abby at pinalis ang kaunting luhang lumandas sa kanyang mg
