Matapos makalabas ng interrogation room ay hindi na napigilan ni Abby ang emosyong ilang minuto niyang kinimkim sa harapan ng asawa kanina. Kaya binuhos niya ang lahat ng luha at sakit na halos ikalunod na naman ng pagkatao niya. Buong akala niya ay kapag nailabas niya na ang mga saloobin sa asawa ay mababawasan na ang sakit. Pero nagkamali siya sa bagay na iniisip niya.
Dahil pakiramdam niya ay nanariwa ulit ang panloloko at pananakit nito sa kanya. Para bang pinipiga na naman ang dibdib niya at hindi siya makahinga. At hanggang sa pag-uwi ay dala-dala niya ang sakit at pagkamuhi sa asawa.
"Kamusta ang pakiramdam mo?" malungkot na tanong ni Dr. Cuevas ng pumasok siya sa kuwarto ni Abby para magdala ng pagkain. Mula kasi nang dumating sila ay hindi na ito lumabas. Kaya nag-aalala na nam
