Mangiyak-ngiyak sa katatawa si Concepcion habang pinapanood nila ni Jacob si Abby. Halos umusok na kasi ang bumbunan nito sa galit dahil sa tatlong pulis na ipinadala nila. Nakakubli kasi sila sa isang sulok habang pinapanood si Abby. Maski si Jacob ay malapit na ring matawa ngunit pinipigilan lamang ang sarili.
"Sinasabi ko na nga ba, e. Hindi talaga magugustuhan ng asawa mo ang tatlong pulis na hiniram natin kay Col Garcia para bantayan siya. Tingnan mo, namumula na siya sa galit," anang ni Concepcion habang nasa likod ni Jacob.
"Tumigil ka nga. Nagagalit na nga siya, natutuwa ka pa diyan!" saway naman ni Jacob at siniko ng mahina ang kaibigan sa tagiliran. "Saka iyan lang ang paraan para hindi siya malapitan nang basta-basta ni Zion Chui," dagdag pa nito.
"Pero infairness, ha. Ang
