Panay ang lingon ni Abby sa likuran nang taxi na sinasakyan nila ni Doctor Cuevas. Nakabuntot kasi sa kanila ang asawa kaya hindi na naman maipinta ang itsura niya dahil sa pagkainis.
"Nakakainis siya!" himutok ni Abby.
Natatawa na lamang si Doktor Cuevas habang pinagmamasdan ang reaksyon ng mukha ni Abby. Nakasimangot kasi ito habang naka-cross arm pa. Hindi rin ito mapakali sa tabi niya dahil panay ang lingon sa likuran.
"Bakit kasi hindi na lang tayo sumabay sa kanila? Total mukhang pursigido naman ni Sir Jacob na samahan tayo," dagdag pang-iinis pa nito kay Abby. Natutuwa kasi siya sa itsura nito. Dahil nagmukha kasi itong bata na nagtatampo dahil hindi nabigyan ng piso ng kanyang Ina.
"Nang-iinsulto ka ba?" kunot-noo nitong baling kay Doktor Cuevas.
"Ito naman hindi mabiro
