Durog na durog na naman ang puso ni Abby habang pinapanood sa side mirror ng sasakyan ni Doktor Cuevas ang naghihinagpis na asawa. Para bang gusto niya itong balikan at muling tanggapin. Ngunit paano? Paano naman ang sarili niya kung gagawin niya iyon? Walang nang natira sa kanya dahil sa ginawa ni Jacob. Kahit ang sarili niya ay wasak na wasak na.
"Bakit gano'n? Bakit sa kabila ng lahat ay mahal na mahal ko parin siya? Bakit kapag nakikita ko siyang nagdurusa ay parang hindi ako makahinga?"
Itinabi ni Doktor Cuevas ang sasakyan sa gilid ng kalsada. Ngunit malayo na sila. Pagkatapos ay inabutan niya ng puting panyo si Abby na bakas rin ang kalungkutan mula sa mga mata.
"Hindi naman kasi gano'n kadaling magtapon ng isang relasyon, Abby. Kaya hindi mo rin masisisi ang sarili mo kung baki
