Hindi na maipinta ang itsura ni Jacob habang binabaybay nila ang kahabaan ng kalsada patungo sa opisina ni Abby. Pero hindi niya pa rin alam kung bakit nasa panganib ang asawa kaya naman ay tinanong niya na ang kaibigan.
"Pre, ano ba talaga ang nangyayari? Bakit nasa panganib ang asawa ko?" pagtatanong niya na habang seryosong nagmamaneho ang kaibigan.
"Naaalala mo 'yung asset na itinanim natin sa sindikato ng mga Chui para malaman kung nasaan ang pinakamalaking drug laboratory nila? Siya ang nagsabi. Wala pa raw siyang impormasyon kung nasaan ang drug lab na 'yon pero nalaman niya na ngayong gabi ay papatayin daw si Abby," lintiya nito na bakas na rin ang pag-aalala.
"Ano?" Umigting ang panga ni Jacob sa narinig mula sa kaibigan. Bumalatay na rin sa kanyang mga mata ang kakaibang galit
