Nagising si Abby nang maramdaman ang pananakit ng ulo. Papilig-pilig pa siya habang sinasapo iyon. Subalit nang idilat niya ang kanyang mga mata ay napabalikwas siya ng bangon.
"Nasaan ako?" gulat niyang tanong sa sarili habang nanlalaki ang mga mata sa pagkabigla. Binaba niya ang tingin sa dibdib niya na natatakpan ng kumot at laging gulat niya sa nakita. "H-hindi ito ang suot kong damit!" Halos mapasigaw siya dahil sa bagay na iyon habang ikinakalat ang paningin sa buong silid na hindi pamilyar sa kanya.
"Diyos ko, Abby! Ano bang ginagawa mo sa lugar na 'to?" naiuntog niya ang palad sa kanyang noo habang naguguluhan sa nangyayari. Maya-maya ay may narinig siyang langitngit ng pinto mula sa banyo. At napatayo siya sa higaan nang lumabas ang isang lalaki na nakatapis lamang ng tuwalya at
