“NANDITO NA ang mga damit at sapatos na pinili ko para sa iyo.” Nilapag ni Kristoff sa kama ang mga paper bag na dala nito.
Biglang nakaramdam ng hiya si Ellie. Lahat ng pinamili nito ay halatang branded at mamahalin.
“Salamat. Pero hindi ka na sana nag-abala pa. Wala naman talaga akong plano na manatili rito nang matagal,” mahinang bulong niya.
Tinignan niya ang mga paper bag. Nang makita ang damit na gusto niya, napangiti si Ellie.
“Anyway… gusto mo bang maglakad-lakad tayo?” tanong ni Kristoff.
Napaangat siya ng tingin dito.
“Maglakad-lakad?”
“Yes. Diyan lang sa malapit. Napansin ko kasi simula nang dinala kita rito, hindi ka pa lumalabas sa kwarto na ito.”
Napayuko siya. Takot siyang lumabas. Paano kung magkita sila ng amo niya?
”You should at least step outside, even for a
