NAROON ANG mga taong nagkukumpulan sa isang partikular na bahagi ng kalsada. May mga kumukuha ng litrato, nagre-record ng video, habang ang ilan ay nag-uusap-usap na parang hindi pa rin makapaniwala sa nangyari.
Kyo quickly got out of the car, barely managing to close the door, at kasunod niya si Trixie. Pareho silang tumakbo papunta sa pinangyarihan ng krimen habang nanginginig ang bawat hakbang.
“Nandito na si Sir Kyo Castillano!” sigaw ng isang reporter, at agad na napalingon ang lahat. Sabay-sabay na kumislap sa harap ng lalaki ang maraming camera.
Hindi niya iyon inalintana. Wala siyang marinig na ingay. Ang tanging nararamdaman niya lamang ay ang malakas na kabog ng dibdib. Ang dasal sa isip na sana hindi totoo ang lahat ng ito.
Paglapit niya sa loob ng linya ng mga pulis, paran
