KINAKABAHANG NAGLALAKAD si Ellie sa loob ng silid, hindi mapakali. Labis siyang natatakot habang iniisip si Saoirse.
Panay ang dasal niya na sana ay matagpuan na ang alaga. Biglang tumunog ang kanyang cellphone sa bedside table at dali-dali niya itong pinuntahan.
Sa pag-aakalang si Kyo ang tumatawag, agad niyang sinagot ito at inilagay sa tainga.
"Kyo, nahanap niyo na ba..."
"Ellie! Napanood ko ang balita kagabi. Natagpuan na ba si Saoirse?" Bungad ni Luna sa kabilang linya.
Natigilan si Ellie at saglit na inilayo ang cellphone sa tainga at tinignan kung sino ang tumatawag.
"Salamat at napatawag ka, Luna. Kailangan ko talaga ng makakausap ngayon. Busy ka ba? Pwede ba akong pumunta sa trabaho mo?" malungkot niyang tanong.
"Hindi ako busy. Pero huwag ka nang mag-abala, ako na lang ang
