DISMAYADO man si Lorrence pero wala siyang nagawa para lapitan si Hymae at guluhin ang pakikipag-usap nito kay Hashi. Gumawa siya ng paraan para iwasan si Zandra dahil yayain sana siya ng modelo na mamasyal. Pero nang maisipan niyang hanapin si Hymae ay nagkataon naman na kasama nito si Hashi.
Bumalik na lamang siya sa ibaba. Nawalan na siya ng ganang maghapunan. Napadaan siya isang bar pero wala siyang balak uminom. Napansin kasi niya si Bryan na napapayuko sa counter habang nakaupo at may hawak basong may lamang inumin.
Naisip niya ba baka magwawala na naman ito kapag nalasing. Kunwari na na lamang siyang umurder ng inumin pero tubig ang ini-request niya. Sa bar na nasa first deck siya naroon. May isang upuan ang namagitan sa kanila ni Bryan.
Pasimple niyang inuobserbahan si Bryan n
