Hindi na nagulat si Roman nang makita niya si Sutton na naghihintay sa kaniya. Kung ang
kapatid niyang si Rose ay magkaroon din ng ganitong problema, hindi rin mapapakali si Roman.
Magtatanong siya at maninigurado, kagaya rin ng gagawin ni Sutton ngayon.
Handa na siya sa mapag-uusapan nila. Gayunpaman, hindi niya naiwasang kabahan, lalo pa’t
hindi basta-bastang tao si Sutton. Kapatid ito ng nag-iisang babae sa puso ni Roman.
Huminga siya ng malalim at pinilit na ikalma ang sarili. “What is it?” he asked.
Tinitigan muna siya ni Sutton bago nagsalita. “May kailangan akong malaman. I want you to be
honest with me, Roman. May dahilan ba, kahit ano pa ‘yon, kung bakit pwedeng mapahamak si
Blair dahil sa’yo?”
“Wala.” Saglit na tumahimik si Roman bago nagpatuloy, bahagyang huminga nang m
