Nakaupo si Roman sa likod ng desk niya sa opisina. Tumatama ang liwanag mula sa bintana sa
likod niya, kaya maliwanag ang buong silid, pero magmimistulan siyang anino para sa sinumang
papasok. Tahimik lang ang phone niya, pero paminsan-minsan, napapatingin pa rin siya rito.
Tama lang na iniwan niya si Blair sa pamilya niya. Ilang beses niyang sinasabi ito sa sarili. Isa pa,
ang kaniyang ina at kapatid ay mapagkakatiwalaan. Subalit, hindi parin siya mapakali. Lagi
niyang naiisip kung ayos lang ba talaga si Blair at kung nakapagpapahinga siya ng maayos.
Dapat ay nagtatrabaho si Roman ngayon. Kaninang umaga pa niya natanggap ang folder ng mga
update mula kay Peters. Dalawang beses na niyang binasa, pero wala naman siyang nakitang
kakaiba. Walang banta. Walang kahina-hinalang galaw mul
