JOSHUA'S POV
Habang tumatagal ay nagkakaroon na ako ng lead kung nasaan ang mga magulang ko. Umaasa akong buhay pa rin sila pero katulad ng sabi ko kay Jia ay inihahanda ko na rin ang sarili ko. Sa sitwasyon na kinalalagyan ko, alam kong walang katiyakan ang lahat.
Ang bawat araw na hindi ko alam kung nasaan sila ay katumbas ng isang taon. Subalit batid kong hindi nila gugustuhin na makita akong lugmok na lugmok kaya kahit paano ay sinisikap kong mabuhay sa bawat araw na may lakas at punong-puno ng pag-asa. Iyon kasi ang nakikita ko kay Jia. Kahit sobrang hirap na ng sitwasyon ay nagagawa pa rin niyang ngumiti.
Ginawa ko ang lahat para makuha ang mga ebidensya nang hindi ko ibinibigay ang kagustuhan ni Sir Fred. Ngunit dahil na rin sa hiling ni Jia ay humingi ako ng schedule ng meetin
