JIA'S POV
"Okay ka lang ba, ha? Nasaktan ka ba? May nakita ka bang kahina-hinalang tao?" sunod-sunod na tanong ni Joshua.
Mula sa meeting niya ay agad siyang umuwi ng bahay at sinalubong ako ng mahigpit na yakap. Halos bugbugin ko siya sa sobrang inis dahil sinira niya ang dapat sana ay mga gagawin ko nang araw na iyon.
"Ano ba ang nangyayari sa iyo?" inis kong tanong.
Sa lugar na sagutin ako ay hinarap ni Joshua ang mga tauhan niyang kasama ko. Habang tinitingnan ko siya nang sinikmuraan n'ya ang mga naghatid kay Tiya Minda sa hospital ay nanlumo ako. Ayokong isipin na dahil sa biglaang pagyaman ni Joshua ay nawala na rin ang pagiging makatao niya.
Ayoko naman siyang ipahiya sa mga tauhan n'ya kaya hinila ko na lang siya papunta sa likod bahay kung saan may malawak na carabao gra
