ANTHONY'S POV
Tahimik ang buong silid ng korte, ngunit para sa akin, ang bawat segundo ay parang musika – ang kaluskos ng mga papel, ang kalabit ng relos, at ang mabigat na hininga ng mga tao sa paligid. Alam kong malapit na ang pinakahihintay kong sandali.
Sa harapan, nakayuko si Atty. Carl Castello, pilit inaayos ang mga papeles sa kanyang mesa. Kita sa mukha niya ang kaba, ang pag-aalinlangan – isang bihirang senaryo para sa isang abogadong tulad niya. Nakakatawang isipin na kahit ang pinakamahusay ay napapaluhod din ng takot kapag nakaharap na sa kawalan ng kontrol.
Ang mga mata ko ay nakapako kay Exiel.
Nakaupo siya, tahimik, ngunit ang bawat himaymay ng kanyang katawan ay nag-aalab sa galit at pagkatalo. Nakikita ko ang malalim na paghinga niya, ang pagkuyom ng mga kamao – halos
