ANTHEA'S POV
Pagpasok namin sa mansyon, mahigpit ang pagkakahawak ng mama ko sa braso ko. Halos masubsob ako sa lakas ng paghatak niya habang hinihila ako paakyat sa hagdan. Ramdam ko ang malamig na tingin niya sa bawat hakbang namin, parang naglalakad ako papunta sa isang bitag na hindi ko matakasan.
Pagdating namin sa aking silid, walang sabi-sabing itinulak niya ako papasok. Bumagsak ako sa gilid ng kama, halos mawalan ng balanse. Bago pa ako makabangon, malakas niyang sinarado ang pinto, kasunod ang matalim na tunog ng susi.
"Ma! Ano bang ginagawa niyo?!" sigaw ko, lumalapit sa pinto, nanginginig ang mga kamay habang pilit na hinihila ang seradura. Pero walang sagot. Ang tanging naririnig ko lang ay ang mabilis na mga yabag ng mama ko, palayo, pababa ng hagdan.
"Ano bang ginagawa n
