Abala ang lahat sa pag hahanda rito sa apartment sapagkat bukod sa baby shower na gaganapin, mamayang gabi rin ay parating na ang mga magulang ni Tokyo kasama sila Seijuro at Jenna mula sa Japan. Kinausap sana ni Tokyo si nanay para lumipad din silang dalawa ni Billy Boy dito pero mas pinili ni nanay na manatili nalang muna ng Pilipinas at hintayin ang aming pagbabalik.
“Aktres na si Elize Iñivera, ipinakilala na ang anak..”
“Anak?”
Ba't hindi 'to nabanggit sa'kin ni Tokyo? Unti-unti ay namuo ang kaba sa aking dibdib dulot ng pinapanuod ko ngayong balita kaya naman kahit abala sa kusina si Tokyo ay tinawag ko siya. Suot ang apron ay nag madali si Tokyo na pumunta ng kwarto dahil sa sunod-sunod kong pag tawag sa kaniyang pangalan.
“Yes, Baby ko? Anong kailangan mo?”
“Ba't hindi ko 'yan
