"SABIHIN mo nga sa akin, may balak ka bang magtayo ng ocean park dito sa mansyon? Ang laking aquarium naman niyan!"
Natigilan si Coleen sa ginagawa niyang pagsusulat sa isang checklist at matalim na binalingan ng tingin si Trevor. Abala siya sa pagsasaayos ng mga kakailanganin para sa pagsasanay ni Thomas ngunit heto't may kumokontra agad.
"M-manahimik ka kung ayaw mong ikaw ang ilagay ko sa aquarium!" At saka niya mabilis na iniwas ang tingin dito. "Saka ang OA mo. Halos kasing laki lang ng fifty-five inches na TV ang aquarium na 'yan, kaya huwag kang ano!"
"E 'di okay. Dami mo na naman sinabi."
Minabuti niyang ituloy na lang ang pagsusulat at hindi na pansinin pa ang presensya ng binata. Hindi niya kasi malaman kung bakit nagpaiwan ito sa mansyon ngayon, gayong ayon kay Thomas ay kas
