KASALUKUYANG nagpapahangin sa garden ng mansyon si Coleen matapos ng hapunan kanina. Hindi man lang kasi niya nagawang enjoy-in ang pagkain dahil sa matabil na dila ni Elaine. Kaya naisip niyang maglakad-lakad na muna para matunawan.
Mabuti na lamang at maganda ang lugar na iyon. Malinis at napalilibutan ng iba't ibang uri ng mga bulaklak. Mayroon din katamtamang laki ng gazebo sa gitnang bahagi at maliit na fountain sa dulo niyon.
"Oh great! Hindi na nga na-digest nang maayos ang kinain ko kanina dahil sa 'yo, pagkatapos ay nandito ka rin?"
Agad siyang napalingon sa nagsalita at mula sa may entrance ng mismong hardin ay nakapameywang si Elaine. For the nth time that day, her eyebrow arched heavenwards upon the sight of this woman.
Nagsimula itong maglakad palapit sa kaniya nang hindi
