MARAHANG hinilot ni Thomas ang kaniyang sentido habang isa-isa niyang sinusuri ang mga monthly reports ng kanilang kompanya. Taliwas kasi ang mga nakalahad doon sa sinasabi ng kaniyang kapatid noong mga panahong ito pa ang umaaktong CEO.
Kasalukuyan siyang nasa loob ng kaniyang study room ng kanilang mansyon. Malawak iyon at ang bawat sulok ay napalilibutan ng libro. Maayos siyang nakaupo sa kaniyang swivel chair, ang mga dokumento'y nakalapag sa mahaba niyang mesa.
Mahigit isang linggo na ang nakalilipas mula nang magbalik siya sa Pilipinas. Ngunit hindi niya inasahan na ganito ang kaniyang dadatnan na sitwasyon ng kompanya.
"What the hell happened?" tanong niya sa kaniyang kapatid. Kalmado ngunit bakas ang iritasyon sa kaniyang baritonong tinig.
Nag-angat siya ng tingin sa dalagang n
