HUMINGA ng malalim si Coleen bago itinuon ang tingin kay Thomas. Ano pa ba ang kailangan niyang itago gayong wala na rin naman siyang dapat pangalagaan.
"Ano ba ang gusto mong malaman? Na bago ako naging server sa coffee shop ay naging miyembro muna ako ng isang sindikato?" Tuluyan na siyang nawalan ng gana sa kinakain nang muling manumbalik sa kaniyang alaala ang lahat.
"Oo. Kabilang ako sa mga taong nambibiktima ng mga kilalang personalidad para kunin ang mga perang galing din naman sa ilegal na paraan," aniya. "Oo. Miyembro ako ng isang grupo na walang awang pumapatay, kapalit ng malaking halaga."
Humigpit na rin ang kapit niya sa mantel ng mesa dahil sa mga nagbabadyang mga luha. Gusto lang naman niyang mamuhay nang tahimik, malayo sa buhay na kaniyang kinabilangan. Ngunit sadyang k
