"Let's go, Ethan," wika ni Jeremy. Kinarga niya ang bata at hinagkan pagkatapos mabihisan ni Ada. Para talaga silang isang pamilya nina Ada. "Saglit," aniya pa. "Pwede ba tayong mag-selfie?" Kinuha niya ang cellphone sa kaniyang bulsa at kumuha ng litrato nilang tatlo. Tuwang-tuwa sila ni Ada sa pictures dahil marunong nang makipaglaro si Ethan sa camera.
"Dapat siguro pagbalik natin sa lungsod, magpa-photoshoot tayong tatlo para mayroon akong maisabit sa dingding sa sala ng mansiyon," wika pa ni Jeremy.
"Ikaw ang bahala," nakangiting tugon ni Ada. Bumaba na sila. Inilipat ni Jeremy si Ethan sa kaliwang kamay niya at iniakbay ang isang kamay kay Ada. Nakangiting lumabas sila ng bahay.
"Nandiyan na pala kayo," nakangiting wika ni Mabel. "Kanina ko pa kayo hinihintay. Tara na. Nagsimula
