"Ang gwapo ni Jeremy, Inay!" kinikilig na wika ni Mabel sa inang si Pilar habang nagliligpit ng pinagkainan.
"Maghunos-dili ka, Mabel. May asawa na si Jeremy. Irespeto mo ang asawa niya," seryosong tugon ni Pilar.
"Sinabi ko lang namang gwapo siya, ah. Ano naman po ang masama ro'n? Para fair, maganda po si Ada. Bagay sila." Pinaikot niya ang mga mata.
"May masama roon dahil halata namang may pagnanasa ka roon kay Jeremy," ani Pilar.
"Ew! Inay! Nakakahiya kapag narinig ka nila. Anong pagnanasa?" Pakiramdam niya ay tumayo ang mga balahibo niya sa katawan. Hinaplos niya ang magkabilang balikat.
"Nahiya kang marinig nila ang sinabi ko, pero hindi ka nahihiyang marinig nila ang sinabi mo? Sus! Mabel! Bilisan mo na lang ang pagliligpit mo riyan at nang makapagpahinga na rin tayo."
Walang n
