"HINDI RAW PARA KAY JEREMY babalik, kundi para sa anak niya. Ginamit pa ang anak sa pagmamakaawa para makalaya. Wala raw interes kay Jeremy. Ang malanding sinungaling!" tiim ang bagang na wika ni Ashley habang pinagmamasdan sina Ada at Jeremy. Kulang na lang ay umusok ang kaniyang ilong sa nararamdamang galit sa mga oras na iyon. Mahigpit siyang nakahawak sa manibela ng kaniyang kotse. Gustong gusto niyang magwala nang mga oras na iyon.
Hindi na siya nakalabas sa sasakyan sa unang pagyakap pa lang ni Ada kay Jeremy. She felt her world crash. Pakiramdam niya ay napako siya sa kinauupuan habang pinagmamasdang naghahalikan ang dalawa. Parang pinipiga ang puso niya at sinasaksak nang paulit-ulit. Hindi iyon ang tagpong inaasahan niya. Napakabilis ng pangyayari. Bumagsak na lamang ang kaniyan
