"Simula ngayon, dapat wala na tayong lihim sa isa't isa," wika ni Ada. "Maiiwasan natin ang mga maaaring maging problema natin sa hinaharap kapag alam natin ang nangyayari sa bawat isa."
Tumango si Jeremy. "Mabuti na lang talaga, ikaw ang minahal ko. I don't even think that I deserve your love. Sa nangyari, may karapatan kang iwan ako pero mas pinili mong paniwalaan ako," tugon ni Jeremy.
"May mali rin ako," ani Ada. "Kahinaan ko talaga na madali akong magtiwala sa tao. Pakitaan lang ako isang beses ng kabutihan, ang tingin ko na sa isang tao, santo. Akala ko talaga, totoong concern sa akin si Ashley. Ang galing niyang umarte. Napaniwala niya ako. Paano naman ako hindi maniniwala, itinaya niya ang buhay niya para lang makatakas ako sa kapatid niya?" Napabuntong hininga siya. "Pero ngayon
