"Nakontak mo na ba siya?" alalang-alalang tanong ni Nina kay Jeremy na walang humpay sa pagparoo't parito habang sinusubukang tawagan si Ada.
"Hindi pa nga po," tugon ni Jeremy. Bakas na bakas na sa mukha nito ang matinding pag-aalala. Tumagal lang ng isang oras ang meeting niya sa De Vera Real Estate. Kaagad din siyang umuwi upang masundo pa si Ada ngunit wala na ito sa university. Nakuyom niya ang mga palad. Naalala niya ang sabi ng security guard sa university na napagtanungan niya kanina. Huli daw nitong nakita si Ada na kasama si Andrew. Sumakay raw si Ada sa sasakyan nito. "Kailangan ko nang mag-report sa mga pulis," aniya. "Kinidnap ni Andrew si Ada," natitiyak niyang wika.
Hindi na nakatugon si Nina sapagkat hindi niya rin alam kung ano ang iisipin.
Nagmamadaling kinuha ni Jerem
