“Buntis ka?” Gulat na gulat na tanong niya dito.
“Hindi nakalunok ako ng pakwan!” Nangiinis na sagot nito sa kanya. Tatayo sana ito pero nahirapan. “Itayo mo ako!” Sigaw na utos nito sa kanya. Hindi niya malaman kung ano ang magiging unang reaction.
Titig na titig siya sa tiyan nito na medyo may kalakihan na at mabilis siyang nagbilang sa isip niya. Pitong buwan na ang nakalipas ng may nangyari sa kanila at base sa laki ng tiyan nito ay hula niya na nasa ikapitong buwan na din ang tiyan nito.
“Alex!” Tawag nito sa kanya na naging dahilan para mapatingin siya sa mukha nito. Kita niya na nakasimangot ito at nagkakandahaba ang nguso. “Tulungan mo akong tumayo, ano ka ba?”
Lumapit siya dito at lumuhod sa harapan nito. “Buntis ka, B?” Tanong niya habang nakatitig sa mga mata nito. Yumuko
