I
Hinati ang labing limang miyembro ng kulto ni Father Al sa dalawa. Nakasakay sila sa dalawang L300 na van. Ang dalawang sasakyang ito ay ginagamit nila tuwing sila’y magmiministeryo.
Ngayong araw, ang kanilang ministeryo ay ang pagpatay kay Jessica Rosario.
Pito ang nakasakay sa isang Van, walo sa isa, kasama si Father Al. Si Mat, ang nakasaksi sa pag-alis ni Calvin na sakay ng tricycle at papunta sa isang subdivision sa San Miguel, ay nakasakay sa isang motorsiklo. Pinapangunahan niya ang daan na magtuturo sa kinaroroonan nina Calvin at Jessica.
Maluwag ang Main Road, kaya hindi sila nahirapan sa biyahe.
Napatanong si Father Al sa mga kasama sa sasakyan nang makalagpas na sila sa border ng San Ildefonso. “Sigurado kaya ‘reng si Matthew?”
“Siguro naman, Father.”
Nakapasok na sil
