I
Tingin ni Diego na mas mainam na nakapikit siya. Mainam nang hindi niya nakikita ang mga nangyayari.
Narinig niya ang pagbagsak ng lola Cecil niya sa sahig. Hindi na niya kailangan pang makita kung ano ang nangyari rito. Alam niyang butas ang ulo nito at wala nang buhay. Mula sa butas ay dumadanak ang dugo. Naramdaman niya ang maiinit na likido sa paanan niya. Nagsimula siyang humikbi at tumulo ang kanyang luha.
Pagkasunod ng pagbagsak ng lola Cecil niya sa sahig ay ang apat pa na putok ng baril. May narinig siyang sigaw pero agad ding naantala. Muling umalingawngaw ang isa pang putok.Pagkatapos n’on ay katahimikan. Sa bilang ng putok ng baril, alam na niya ang posiblieng nangyari.
Narinig niya ang mga hakbang. Papalapit sa kanya. Naramdaman niyang nawala ang nakatapal sa kanyang b
