HUMIHIKBING kumalas si Nicolette sa ina nito na sumapo ang nangangatal na kamay sa magkabilaang pisngi ng ginang. Nanginginig pa rin ang mga ito at hindi mapigilang maiyak sa sobrang saya na magkita sila at ngayo'y magkakasama na sila!
"A-anong nangyari sa'yo, Mama? Anong ginawa niya sa'yo? Sinasaktan ka rin ba niya?" magkakasunod na tanong ni Nicolette ditong ngumiti na hinawakan ang kamay ng anak nitong nakasapo sa kanyang pisngi.
"Hindi na mahalaga kung ano ang mga ginawa niya sa akin, anak. Hindi na natin mababago ang mga nangyari. Ang mahalaga ngayon ay malaya na tayo. Magkasama na tayo, anak ko. Ikaw, anong nangyari sa'yo ha? Kumusta ka? Ang ganda-ganda mo naman, anak." Nakangiting saad ni Nicole sa anak nito na hinaplos sa pisngi si Nicolette.
"Noong nakaraang linggo lang po ak
