TANIELLA
Kumibot ang labi nito ngunit walang lumabas na salita mula rito. Hindi nito magawang magsalita dahil bumuka at sumara lang ang bibig nito. Ilang sandali lang ay hinawakan niya ang kamay ko at hinila sa tagong lugar, nagpalinga-linga at muli akong hinarap.
"Ayoko ng bumalik sa club kaya naisipan ko mag-apply ng matinong trabaho kaya dito ako napadpad," paliwanag nito.
Muli kong binalik ang tingin sa I.D nito. Lihann Florencio ang pangalan niya rito. "Bakit, Lihann? Hindi ba ay Ariane ang–" Tinakpan niya ang bibig ko at muling sumilip kung may tao. Nang makumpirmang walang tao ay muli niya akong binalingan. Tinanggal na rin niya ang kamay sa bibig ko. "May dapat ba akong malaman?" nakataas ang kilay na tanong ko.
"Hindi ko totoong pangalan ang Ariane. Kung ang mga artista nga
