"THE NUMBER you have dialled is either unattended or out of coverage area. Please try again later."
Tuluyan nang naibato ni Becky ang cellphone niya dahil hindi na naman sinagot ni Hugh ang tawag niya. Buti na lang ay matibay ang cellphone niya kaya kahit itapon niya iyon ay hindi pa rin iyon nababasag. Sana lang ay ganoon din katatag ang puso niya. Pero hindi eh. Habang nagtatagal lamang na hindi niya nakakausap si Hugh ay lalong nadudurog ang puso niya.
Tatlong linggo na mula nang huli silang magkita at mula noon ay hindi niya na ito kinausap. Tinatawagan niya naman sana ito pero lagi namang unattended ang cellphone nito. Hindi niya rin ito mahanap dahil matapos ang nangyari ay nag-take ito ng indefinite leave at ang sabi ng pinsan nitong si Zeph na hinarass niya pa para magsabi
