"Ang ganda-ganda mo, anak." Nakangiting sambit ni Mama nang matapos niyang suklayin ang tuwid kong buhok na hanggang dibdib. "Mabuti na lang at sa akin ka nagmana."
Napangiti ako pagtapos ay tiningnan ko ang sarili sa salamin. Suot ko ang navy blue sleeveless dress na binili ni Jackson noong isang araw. Umabot lang iyon sa itaas ng tuhod ko at tinernuhan ng puting heels at puti rin na sling bag.
"Excited ka ba sa date niyo ng nobyo mo?"
"Maaa..." padaing kong sambit. Hindi pa rin ako sanay sa tuwing sasabihin niya iyon. "At saka hindi naman po ito date."
"Parang ganoon na rin 'yon. Ikaw ang date niya sa party na pupuntahan niyo. O, nandiyan na yata siya," ani Mama nang makarinig kami nang tunog ng sasakyan na huminto sa labas ng bahay kaya agad na siya lumabas para pagbuksan ito.
Sumu
