Pagpasok ko pa lang sa gate ng school agad ko siyang nakita na nakatayo sa ilalim ng isang puno. Habang naglalakad ako palapit sa kinatatayuan niya, hindi ko mapigilan ang sariling pagmasdan siya.
Ang linis-linis niyang tingnan sa suot na puting t-shirt, navy blue shorts at 'yong puti niyang sapatos na mahihiya kang matapakan. Medyo basa pa ang buhok nito at may sukbit na gym bag sa isang balikat.
Kanina bago ako umalis ng bahay nakatanggap ako ng message mula sa kaniya na hihintayin niya raw ako. Noong una hindi ko alam kung paano at ano ang ibig niyang sabihin doon kaya hindi ko na siya sinagot pero ngayon ay malinaw na.
Mula sa hawak nitong cellphone nag-angat ito ng tingin at dumako iyon sa entrance ng school. Tinitingnan ang mga estudyanteng parating hanggang sa tuluyan niya akong
