"Ang Mukha ng Alpha ng Company"
"Vrrrrr-chk-chk-chk-chk... Vrrrrr-chk-chk-chk-chk...”
Nagising siya at naalimpungatan sa tunog ng printer.
Pupungas-pungas ang mata, tiningnan niya ang oras. Hindi niya masigurado pero parang naulinigan niya ang paglagitik ng pintuan.
Napadako ang tingin niya sa gawi ni Joy, sa mga sandaling iyon ay kasalukuyang okupado sa mga nakalatag na papeles, isa-isang inaayos ang mga ito upang isalin sa mga naka-abang na mga brown folders.
Kaagad niyang inabot ang jacket, hinanap niya sa mga bulsa ang pakete ng sigarilyo at nagsindi ng isa.
“Uy good morning, sarap ng tulog natin ah hihihihi.”, buska ni Joy nang mapansin nitong gising na ang tinyente.
“Sino ung Lumabas.”, paniniyak ni Edwin.
"Tropa mo, kilala ko pero sa mukha hindi ko alam ang pangalan.”
Tuluy
