Sa Kasalukuyan
Ilang araw ang nakalipas magmula nung pormal na ihayag ng batalyon ang red alert status kaugnay ng nakalap na impormasyon tungkol sa galaw ng kalaban. Subalit, laking pagtataka ni Edwin kung bakit wala pa ring utos mula sa kampo, o kaya’y patawag ng Headquarters para sa isang operasyon.
Habang naghihintay ng kautusan ay minarapat ng tinyente na gugulin ang mga nagdaang araw upang dagdagan ang kahandaan ng kanyang tropa. Sinuri ni Anto ang imbentaryo ng suplay, at nang matiyak na mayroon pang sapat na karagdagang bala ang kumpanya, ay nag organisa ng repaso sa marksmanship training sa lahat ng sundalo ang pinuno.
Walang firing range ang Alpha Company subalit hindi ito naging hadlang kay Edwin. Pinagtulungang linisin ng lahat ang bakante subalit matalahib na patag na paa
