MADUGO ang labanang nagaganap sa loob ng conservatory. Kasama ni Donya Victoria sa sugal ang apat na kakilalang bumisita sa mansyon.
Ilang panahon ding namahinga ang donya sa kanyang bisyo. Ngayon ay buo na muli ang kanyang lakas para balikan ang dating gawi.
Noon pa man ay certified gambler na si Donya Victoria. Halos maging tahanan na niya ang casino at iba’t ibang lugar na may sugal. Isa ito sa mga dahilan kung bakit lalo siyang yumaman.
Laging panig ang suwerte sa matanda kapag sugal ang pinag-uusapan. Tulad ngayon, panalo na naman siya sa Poker. Tuwang-tuwa ang matanda nang hakutin niya ang pera ng mga ito sa mesa. “I won!”
Binati siya ng isa. “Wala ka pa ring kupas, Victoria. Hindi ka pa rin matalo-talo!” anang isang matandang kasing edad din ng Donya.
“Of course! Hindi magiging
