BUMAHA ng luha at galit sa mansyon. Maging si Donya Victoria ay hindi maawat ang paboritong apo sa pagwawala.
Ginulo ni Emily ang pagkakabalot sa kama at pinagbabalibag ang mga kumot at unan. “I feel so defeated!” madiing sigaw ng babae habang rumaragasa ang matinding emosyon sa buong pagkatao.
“Emily, stop! Ang puso ko!”
Nahinto lang siya nang makita ang lola na hinihingal habang hagod ang dibdib. Bigla ay kumalma siya at inalalayan itong makaupo sa tabi ng kama. “I’m so sorry, Lola!”
“What the hell is wrong with you, Emily? Your action makes my blood boil! Bakit ka ba nagkakaganyan?”
Ibinuhos muna ng babae ang natitirang mga luha bago sinagot ang matanda. “Lola, do you remember the guy that I told you? ‘Yong friend ni Lauren?”
“Siya ba ang dahilan kaya nagwawala ka ng ganyan? Sinas
