“GUSTO mo na bang kumain?” tanong ni Emily habang binubuksan ang mga kurtina sa bintana.
“S-Si Lauren, n-nasaan siya?”
Pumait bigla ang mukha niya sa narinig. Ito na lang ang laging bukambibig ng lalaki buhat kagabi.
“A-alam na ba ni Lauren na nandito ako?”
Mabilis siyang nag-imbento ng sasabihin. “Not sure kung kailan siya makakadalaw rito. Masyado raw kasi siyang busy ngayon sa work. Pinapasabi niya ako muna ang magbantay sa `yo.”
“Puwede mo ba siyang tawagan?”
“Nasa work siya ngayon for sure kaya hindi rin niya masasagot ang tawag mo.”
“Masasagot niya ‘yon dahil allowed naman silang magdala ng cellphone sa office.”
Bigla ay naubusan ng idadahilan si Emily. Tumabi na lang siya ng pagkakaupo rito at humaplos sa balikat nito. “Matthew, huwag mo na munang hanapin ang taong wala rito
