KANINA pa hindi mapakali si Lauren. Nakailang palit na siya ng damit pero hindi pa rin makapili kung ano ang isusuot.
Hanggang sa tumawag na lang si Matthew at sinabing nasa harap na raw ito ng gate nila.
“Luh! Ba’t ang bilis!”
Taranta siyang humarap muli sa salamin. Isang itim na long sleeve crop top ang kanyang pang-itaas na katerno naman ng black skirt niya sa pang-ibaba.
Pinarisan niya iyon ng over-the-knee boots na may kaparehong kulay sa kabuuan ng kanyang suot.
Hindi pa nakuntento, nagtali pa siya ng gothic spike choker sa leeg na may pentagram pendant sa gitna.
Sa pormang iyon lumantad ang perpektong hugis ng kanyang baywang pati ang nakasisilaw na puti ng kanyang mga hita. A perfect outfit to attract a man with a virgin eyes.
Ilang beses niyang sinuklay ang buhok na abot ha
